अफगानिस्तानको तालिबान सरकारलाई मान्यता दिने रुस पहिलो राष्ट्र

अफगानिस्तानमा तालिबान सरकारलाई औपचारिक रूपमा मान्यता दिने रुस पहिलो देश बनेको छ । काबुलमा सत्ता लिएको लगभग चार वर्षपछि यो निर्णय तालिबानका लागि एउटा प्रमुख कोसेढुङ्गा हो। अफगानिस्तानका विदेशमन्त्री अमिर खान मुत्ताकी र अफगानिस्तानका लागि रुसी राजदूत दिमित्री झिरनोभबीच काबुलमा भएको भेटवार्तापछि यो घोषणा भएको हो। मुत्ताकीले भने कि यो अन्य देशहरूका लागि उदाहरणको रूपमा काम गर्नेछ । "यो साहसी निर्णय अरूका लागि उदाहरण हुनेछ... अब मान्यताको प्रक्रिया सुरु भएको छ, रूस सबै भन्दा अगाडि थियो," मुत्ताकीले एक्समा पोस्ट गरिएको बैठकको भिडियोमा भने।

अफगानिस्तानका लागि मस्कोका विशेष प्रतिनिधि जामिर काबुलोभले रुसको सरकारी समाचार एजेन्सी रिया नोवोस्तीलाई सरकारले तालिबान सरकारलाई "मान्यता" दिएको बताए। चीन र पाकिस्तान लगायत धेरै अन्य देशहरूले आफ्ना राजधानीहरूमा तालिबान राजदूतहरू राखेका छन्, तर आधिकारिक रूपमा इस्लामिक इमिरेट्सलाई मान्यता दिएका छैनन्। १५ अगस्ट २०२१ मा तालिबानले काबुलसँगै सम्पूर्ण अफगानिस्तान कब्जा गर्यो। अमेरिका र भारत लगायत धेरै देशहरूले अझै पनि तालिबानलाई अफगानिस्तानको सरकारको रूपमा मान्यता दिएका छैनन्। अफगानिस्तानले विश्वबाट निरन्तर मान्यताको माग गर्दै आएको छ।